උදෑසන එලාම් එකට අමතරව කාමරයේ බල්බය නිවි නිවී දල්වමු

 

අන්ත්‍රාවයි 

මෙය ගම්පොළයා පොඩිඑකා සන්දියේ කළ ගොන්ම ගොන් නිර්මාණයක් වන අතර මෙය සැකසීමෙන් වලකින්න. නමුත් මෙහිදී භාවිතයට ගත් ඔරලෝසුව වෙනුවට වෙනත් ආදේශකයක්  භාවිත කළ හැකිය.

ගම්පොළයා කුඩා කල  අපූරු හැකියාවක් තිබූ කොල්ලෙකි. නමුත් ඔහුට උදෑසන අවදීවීම ඉතා බිහිසුනු මාරාන්තික අත්දැකීමක් විය. තාත්තා උදේන්ම පාඩම් කිරීමට නැගිට්ටවීම සඳහා ඉහත පින්තුරයේ ආකාරයේ බෙල් වදින ඔරලෝසුවක් ගෙනත් දුන්නත් බෙල් එක වැදීමට පෙර හෙමින් ඒක Off කර ආතල් එකේ නිදා ගැනීම ගම්පොළයාගේ පුරුද්දක් විය.

නමුත් කාලයක් යන විට උදෑසන අවදීවීමේ ආදීනව ලොකු හාමුදුරුවන්ගෙන් දැනගත් පසුව උදෑසනම අවදිවීමට දැඩි තීරණක් ගත්තේය. බොහෝ විට බෙල් එක Off කර නිදාගැනීම කළ හැකි බැවින් බෙල් තබා නිදාගැනීම නිෂ්පල බව දැනගත් නිසාමත් පිටිපස්සට ඉර එළිය නොවැටීම නිසා නැවත නිදා ගැනීමට සිතීම නවතා ගැනීමට උපායක් කල්පනා කරන ලදි. ඒ අනුව එලාම් එක හැඬවෙන අතරම කාමරයේ විදුලි බල්බය නිවිනිවී පත්තුවෙන ආකාරයේ නිර්මාණයක් කිරීමේ අදහස ගම්පොලයාට පහලවිය.

පහත රූපයේ දැක්වෙන්නේ ගම්පොලයා විසින් සැකසූ පරිපථයයි. මෙහි වම්පස ඉහලින් දැක්වෙන්නේ නැගිටීමට අවශ්‍ය කරන වේලාව සහ එම වේලාවට දකුණු පසට විදුලිය ගමන් කරන ආකාරයයි. මේ සඳහා යොදාගත්තේ එලාම් එරලෝසුවය. විදුලිය ලබාදුන් පසුව සකස් කළ වේලාවේදී එලාම් එකට අමතරව විදුලිය ගලායාමක් ඔරලෝසුව හරහා සිදුවේ.

මෙම රූපයේ 1 හා 2 යන ස්ථාන වලට පෙර රේඩියා් වකින් SW/AM මාරුකිරීමට යොදාගත් ස්විච් එකක් භාවිත කර ඇති අතර, 1 ස්විච් එක දමා ඇති විට Starter එකක්    හරහා විදුලිය බල්බ් එක වෙත ලැබෙන අතර නිවිනිවී පත්තු වීම අරබේ. පසුව නිවිනිවී පත්තු වීම නවතා සෑම විටම විදුලි බුබුළ පත්තු වී තිබීමට අවශ්‍යය නම් 2 දිශාවට ස්විචය දැමිය හැකිය.  සාමානයයෙන් 1 දිසාවට සුවිචය යොමු කර ඇති විට වේලාවට එලාම් එක නාද වෙන අතරම කාමරයේ ලයිට් එක නිවි නිවී දැල්වේ. පසුව පාඩම් කිරීම සඳහා 2 ස්විච් එක දිශාවට විදුලිය යොමු කළ හැකිය. 

ඉතින් බලන්නකෝ මේක ලස්සනට වැඩ කරනවා උදේන්ම ආලෝකය ලැබෙන නිසාත් එය නිවි නිවී දැල්වෙන නිසාත් කරුමෙන් බේරෙන්න වෙන ක්‍රමයක් නොමැති නිසා අපහසුවෙන් හෝ නැගිටිය යුතුය.

ගම්පෙළයා අැදෙන් බිමට.

ගම්පොළයා විසින්  සවස හතරට මෙය අත්හදා බැලූ අතර විදුලිය පරිපථයට සම්භන්ධ කොට නින්දට වැටුනි. අම්මා ගහයි මෙන්න උදේ හතරට එලාම් එකට අමතරව කාමරේ ලයිට් එක ඔටෝ මැටික් ගම්පොළයාට වයර් නිදි මරගාතේ එළාම් එක Off කලා. ගම්පොළයා බිම. ඔරලෝසුව පට්ටම යකඩ. නැවතත් අලුත් නිර්මාණයකින් හමුවෙමු